MGC 2019

O Movemento Galego polo Clima xorde en Galiza como resposta á convocatoria de mobilización mundial feita polo movemento xuvenil Fridays For Future (Venres por Un Futuro) para o vindeiro 27 de setembro, co obxectivo de sair á rúa a reclamar accións urxentes que fagan fronte á mudanza climática e que garantan un futuro para as xeracións máis novas.

O Movemento Galego polo Clima está conformado por unhas 50 entidades e colectivos galegos que apoian o chamado de acción da xente nova ante a situación de Emerxencia Climática que vive o planeta enteiro, e particularmente Galiza. É por iso que temos intención de afrontar este reto tendo presente cales son as causas que máis están alentando o quecemento global no noso país e cales son as medidas que poderían evitar as consecuencias drásticas para o noso territorio e para o pobo galego no seu conxunto.

O Movemento Galego polo Clima apoia e participa da organización de todas as accións e actividades polo Clima que se van desenvolver nas distintas localidades galegas do 20 ao 27 de setembro, e das que queremos dar conta neste blogue.

Se queres unirte a este Movemento súmate ao noso manifesto e contáctanos.

#XuntasPoloClima – Acude á mobilización

Únete tamén aos diferentes actos, actividades e mobilizacións programadas na semana do 23 ao 27 de setembro en todo o país.

Xuntas polo Clima!! #27S